Një ortek i fuqishëm në rajonin e Pirenejve, në verilindje të Spanjës, ka shkaktuar vdekjen e tre personave dhe ka lënë të plagosur një tjetër. Sipas Gardës Civile spanjolle, viktimat ishin pjesë e një grupi që po bënte ski në zonë, ndërsa personi i mbijetuar është një grua që u gjet në gjendje hipotermie.
Autoritetet u njoftuan rreth orës 13:00, sipas kohës lokale, nga një grua që raportoi se katër persona ishin zënë poshtë nga orteku. Menjëherë pas alarmit, ekipet e shpëtimit u mobilizuan në zonë, me përfshirjen e të paktën një helikopteri.
Pas kërkimeve intensive, u gjetën trupat e pajetë të tre personave, ndërsa gruaja e plagosur u transportua për trajtim mjekësor. Autoritetet po vazhdojnë hetimet për të zbuluar rrethanat e ngjarjes tragjike.