Presidentja e vendit, Vjosa Osmani, sot ka pritur në takim ambasadorin e Mbretërisë së Bashkuar, Jonathan Hargreaves, ku kanë diskutuar për përgatitjet për Samitin e Komunitetit Politik Evropian.
Në njoftimin e Presidencës thuhet se Osmani do ta përfaqësojë Kosovën në këtë samit, i cili do të mbahet në Blenheim Palace në Mbretërinë e Bashkuar.
Në njoftim thuhet se Osmani dhe Hargreaves kanë diskutuar për temat që do të trajtohen në këtë samit, përfshirë nevojën e përpjekjeve kolektive për ta mbrojtur demokracinë, si dhe për kontributin e Kosovës në këto tema.
“Presidentja e Republikës së Kosovës, Vjosa Osmani, ka pritur sot në takim ambasadorin e Mbretërisë së Bashkuar në Kosovë, Jonathan Hargreaves, me të cilin ka diskutuar për përgatitjet për Samitin e Komunitetit Politik Evropian, si dhe për bashkëpunimin bilateral midis Kosovës dhe Mbretërisë së Bashkuar”, thuhet në njoftim.