Osmani dhe Kurti për Nënën Terezë: Ideal që duhet ta ndjekë secili

Krerët e shtetit, kanë vizituar motrat e Nënës Terezë, në prag të përvjetorit të gjashtë të shenjtërimit të Nënës Terezë

Presidentja e Kosovës, Vjosa Osmani, dhe kryeministri Albin Kurti. Foto: KP

Presidentja e Kosovës, Vjosa Osmani, dhe kryeministri Albin Kurti, i kanë vizituar motrat e Nënës Terezë, në vigjilje të përvjetorit të gjashtë të shenjtërimit të saj.

Osmani para mediave ka theksuar se Nënë Tereza doli nga populli shqiptar por me misionin e saj fisnik u bë nëna e të gjithëve.

“Nesër më 5 shtator e kemi edhe festën ku shënojmë edhe njëkohësisht kujtojmë veprën e madhe të Nënës Terezë, që të vizitojmë motrat e Nënës Terezë që e vazhdojnë misionin e saj me shumë përkushtim, me shumë vendosmëri për t’iu ndihmuar atyre që kanë nevojë, të moshuarve, të rinjve, atyre që kanë sëmundje të ndryshme, atyre që janë të vetmuar dhe nuk e kanë askund pranë. Këtë shërbim dhe këtë mision janë duke e kryer këto 30 vitet e fundit apo më shumë dhe motrat e Nënës Terezë vijnë nga vende të ndryshme të botës”.

“Dua t’i falëmnderoj gjithësecilen. Së bashku të gjithë edhe një herë treguam se sa krenarë ndihemi me shembullin që la pas Shën Tereza, e cila doli nga populli shqiptar por u bë nëna e të gjithëve me misionin e saj fisnik dhe me ndihmën e saj që u dha të gjithë atyre në nevojë. Nesër do ta përkujtojmë me një sërë aktivitetesh”, ka thënë Osmani.

Në anën tjetër, kryeministri Kurti ka thënë se në këtë ditë përkujtohet jo vetëm angazhimi sakrifikues dhe kontributi human i Nënës Terezë por edhe ideali që duhet ndjekur secili.

“Sot erdhëm këtu me rastin e 6 vjetorit të shenjtërimit të Nënës Terezë, e cila me punën e saj të pamatshme, me sakrificën e saj të jashtëzakonshme, me dashurinë e saj të pakrahasueshme, u bë nëna e gjithë botës dhe na shtoi krenarinë neve si popull dhe si komb. Sot e përkujtojmë jo vetëm për angazhimin sakrifikues e kontributin e saj human, por njëkohësisht edhe si ideal që duhet ta ndjekim secili prej nesh”, ka thënë ai.

Ndërkaq, Ipeshkvi, Imzot Dodë Gjergji, ka uruar të gjithë për festën.

Shija e redaktorit

Presidentja Osmani dekreton harmonizimin e listës së organizatave terroriste me...

Presidentja e Republikës së Kosovës, Vjosa Osmani, ka dekretuar sot harmonizimin e listës së organizatave të huaja terroriste me urdhrat ekzekutivë të presidentit amerikan,...

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

Të fundit nga rubrika