Presidentja e Republikës së Kosovës, Vjosa Osmani-Sadriu, do të marrë pjesë në ceremoninë e inaugurimit të presidentit të ri të Malit të Zi.
Zyra e Presidentes bën të ditur se Osmani ka theksuar se pjesëmarrja në këtë ceremoni është riafirmim i përkushtimit të vazhdueshëm për miqësi dhe bashkëpunim në rrugën e përbashkët euroatlantike të Republikës së Kosovës dhe Malit të Zi.
Pas pjesëmarrjes në seancën e Kuvendit të Malit të Zi, në të cilën presidenti Milatoviq pritet ta japë betimin, krahas homologëve të rajonit, presidentja Osmani do të marrë pjesë edhe në pritjen zyrtare të presidentit të sapozgjedhur.