Presidentja e Kosovës, Vjosa Osmani, gajtë vizitës së saj zyrtare në Shqipëri, ka takuar edhe shkrimtarin e njohur Ismail Kadare.
Osmani ka njoftuar se Kadares ia ka dorëzuar dekretin e nënshtetësisë së Republikës së Kosovës.
“Sot shkrimtarit tonë të madh Ismail Kadare, nderit të kombit tonë, ia dorëzova Dekretin e nënshtetësisë së Republikës së Kosovës. Mirë se vini Ismail Kadare në familjen e madhe të Kosovës! Rrëfimet tuaja le të vazhdojnë ta pushtojnë botën duke na kujtuar fuqinë e letërsisë për t`i formësuar perspektivat, sfiduar normat dhe nxitur dialogun”, ka shkruar Osmani.