Presidentja e Kosovës, Vjosa Osmani, ka përkujtuar heroin Enver Zymberi në 12-vjetorin e rënies së tij.
Ajo ka thënë se Zymberi ishte mishërim i përkushtimit, i guximit dhe i vetëmohimit.
“Dymbëdhjetë vjet më parë polici Enver Zymberi ra në mbrojtje të integritetit territorial të Kosovës. Sot e nderojmë guximin dhe sakrificën e heroit. Ai ishte mishërim i përkushtimit, guximit dhe vetëmohimit”, thuhet në njoftimin e presidencës.
Osmani ka theksuar se Policia e Kosovës është mbrojtëse e palëkundur e kufijve të shtetit nga agresioni i vazhdueshëm i Serbisë.
“Atij, sikurse edhe të gjithë policëve të rënë në detyrë u përkulemi për kontributin e çmuar për sigurinë tonë në çdo cep të vendit. Sikurse atëherë, ashtu edhe sot, Policia e Kosovës janë mbrojtësit e palëkundur të kufijve të shtetit tonë nga agresioni i vazhdueshëm i Serbisë, prandaj ata duhet jo vetëm të respektohen por edhe të vlerësohen e mbështeten maksimalisht për punën dhe sakrificën e tyre”, citohet të ketë thënë presidentja.
Emri i ri i kampit do të përurohet në ditën memoriale të policëve të rënë në kryerje të detyrës.
Polici Enver Zymberi u vra në operacionin e Policisë në veri të Kosovës më 26 korrik 2011. Ai u vra gjatë aksionit për t’i marrë nën kontroll pikat kufitare në veri.