Osmani në Bondsteel: Lidhja Kosovë-SHBA është më e fortë se kurrë

Presidentja e Kosovës, Vjosa Osmani, gjatë së dielës së 25 dhjetorit, ka qëndruar në kampin amerikan ushtarak, në Bondsteel për drekën tradicionale të Krishtlindjes. Me këtë rast ajo ka thënë se “lidhja Kosovë-SHBA është më e fortë se kurrë”

Drekën tradicionale të Krishtlindjes, presidentja e Kosovës, Vjosa Osmani e ka kaluar në kampin amerikan ushtarak, në Bondsteel.

Me anë të një postimi në llogarinë e saj në Twitter, Osmani ka falënderuar ushtarët për shërbimin e tyre në Kosovë dhe për mbështetjen e palëkundur ndaj Kosovës.

“E lumtur që u bashkohem ushtarëve amerikanë dhe ambasadorit amerikan në Kosovë Jeff Hovenier në kampin Bondsteel për drekën tradicionale të Krishtlindjes. Përcolla mirënjohjen tonë për shërbimin dhe mbështetjen e palëkundur të tyre ndaj vendit tonë”, shkroi Osmani.

Po ashtu, presidentja e vendit shtoi se “lidhja Kosovë-SHBA është më e fortë se kurrë”.

“Gëzuar Festat”, uroi ajo.

Gjatë së shtunës së 24 dhjetorit, presidentja Osmani ka thënë se kremta e Krishtlindjes sjell mesazhin e paqes, dashurisë, respektit, mirëkuptimit dhe tolerancës.

“Uroj të gjithë besimtarët e krishterë që në këtë ditë ta rrisin shpresën e t’i hapin zemrat. Në shtëpinë e secilit të mbizotërojë shëndeti, lumturia e paqja!”, ka shkruar Osmani.

Osmani ka përcjellë mesazhin që “të jemi solidarë, të reflektojmë harmoni e të festojmë bashkë”.

“Kremta e Krishtlindjes sjell mesazhin e paqes, dashurisë, respektit, mirëkuptimit dhe tolerancës. Uroj të gjithë besimtarët e krishterë që në këtë ditë ta rrisin shpresën e t’i hapin zemrat. Në shtëpinë e secilit të mbizotërojë shëndeti, lumturia e paqja! Të jemi solidarë, të reflektojmë harmoni e të festojmë bashkë! Për shumë mote, Gëzuar!”, ka shkruar presidentja e Kosovës, Vjosa Osmani në Facebook.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika