Presidentja e vendit, Vjosa Osmani ka vazhduar takimet në kuadër të Forumit Ndërkombëtar të Berlinit.
Osmani thotë se në një tryezë me drejtues biznesesh nga vende të ndryshme të botës ka prezantuar Kosovën si ekonomi e bazuar në besim, parime dhe rritje strategjike teksa ka bërë thirrje për investime, njofton Dukagjini.
“Në kuadër të Berlin Global Dialogue, prezantuam potencialin e Kosovës në një tryezë me drejtues biznesesh nga vende të ndryshme të botës. Kosova është e hapur për investime dhe gati të integrohet në tregjet globale. Sot, ne nuk jemi më vetëm destinacion me kosto të ulët, por ekonomi e bazuar në besim, parime dhe rritje strategjike”, ka shkruar Osmani.