Presidentja e Kosovës, Vjosa Osmani, në 15-vjetorin e vendosjes së marrëdhënieve diplomatike, është takuar me presidentin e Portugalisë, Marcelo Rebelo de Sousa.
Osmani ka thënë se Portugalia është një shtet miqësor, me të cilin na afron angazhimi i përbashkët për paqe.
“Një shtet jashtëzakonisht miqësor me të cilin na afron angazhimi i përbashkët për paqe, stabilitet dhe progres të vazhdueshëm”, ka shkruar Osmani.
Vizita e presidentes Vjosa Osmani për në Portugali u njoftua mbrëmë nga Presidenca.
Në njoftimin e Presidencës thuhej se në kuadër të vizitës në Portugali, presidentja dhe kryetari i Lisbonës, Carlo Moedas, do ta përurojnë shtatoren e Nënë Terezës, e cila është e vendosur në qendër të kryeqytetit të Portugalisë.