Presidentja e Kosovës, Vjosa Osmani, ka ndarë disa fotografi nga pjesëmarrja e saj në Samitin e Komunitetit Politik Evropian që po mbahet në Tiranë. Në një postim në Facebook, ajo theksoi rëndësinë e pranisë së Kosovës në këtë platformë evropiane të nivelit të lartë.
“Sot në Tiranë filloi Samiti i liderëve të Komunitetit Politik Evropian. Pjesëmarrja jonë e gjashtë në këtë samit është dëshmi se zëri i Kosovës është i pranishëm, i domosdoshëm dhe kontribues në platformat ku diskutohen sfidat e përbashkëta dhe vendoset për të ardhmen e kontinentit tonë”, ka shkruar Osmani. Ky samit mbledh krerët më të lartë të vendeve evropiane për të diskutuar rreth sigurisë, bashkëpunimit dhe të ardhmes së Evropës, në një kohë të sfidave të shumta globale