Presidentja e vendit, Vjosa Osmani, ka vlerësuar lartë Njësinë e Operacioneve Speciale të Forcës së Sigurisë së Kosovës (FSK), duke theksuar profesionalizmin, përkushtimin dhe rolin e saj në mbrojtjen e vendit.
Në një postim në Facebook, Osmani ka shkruar se kjo njësi është e stërvitur dhe e përgatitur sipas doktrinës së ushtrisë së Shteteve të Bashkuara, për ta mbrojtur atdheun “në çdo moment dhe në çdo pëllëmbë të vendit”.
“Kjo është Njësia e Operacioneve Speciale e FSK-së: krenaria, nderi dhe zemra e pathyeshme e Kosovës. Ata nuk mbajnë vetëm uniformën e shtetit, por edhe amanetin e lirisë sonë”, ka shkruar Osmani.