Presidentja e vendit, Vjosa Osman,i ka reaguar lidhur me sanksionet që ShBA-ja ia vuri Aleksandar Vulinit, gjatë kësaj të marte.
Osmani ka thënë se Vulin ka dëmtuar e kërcënuar paqen në rajonin tonë.
“Ai i shërbeu interesave malinje të Rusisë dhe krimit organizativ transnacional, duke minuar kështu reg. stabiliteti. Unë përshëndes SHBA-në për vendimin për ta sanksionuar atë”, ka shkruar Osmani.
Osmani ka thënë se së bashku me aleatët tanë do të luftojmë ndikimin e aktorëve të tillë keqdashës.
Vulin&co damaged democracy and threatened peace in our region. He served Russia’s malign interest & transnational org.crime, thus undermined reg. stability. I applaud the US for the decision to sanction him. Together with our allies we’ll fight the influence of such malign actors pic.twitter.com/haEVuhDYPm
— Vjosa Osmani (@VjosaOsmaniPRKS) July 11, 2023
Më herët, ka reaguar dhe shefi i kabinetit të presidentes Vjosa Osmani, Blerim Vela, i cili përmes një postimi në Twitter, ka thënë se Vulin është “piun rus”, i ekspozuar për rolin e tij destabilizues në rajon.
Aleksandër Vulin është bërë pjesë e listës së personave të sanksionuar nga Shtetet e Bashkuara të Amerikës (SHBA), ka njoftuar Departamenti Amerikan i Thesarit.
Në faqen zyrtare të tyre thuhet se Vulin kishte shfrytëzuar pozicionin e tij për të lehtësuar aktivitetet politike dhe interesat personale dhe për rrjedhojë, kishte lehtësuar aktivitetet ruse në Serbi dhe rajon, duke cenuar stabilitetin në Ballkanin Perëndimor.
“Thesari nuk do të hezitojë t’i synojë aktorët që abuzojnë me pozitat e tyre për përfitime personale duke minuar qeverisjen efektive dhe demokratike në Ballkanin Perëndimor”, tha nënsekretari i Thesarit për Terrorizmin dhe Inteligjencën Financiare, Brian E. Nelson. “Veprimi i sotëm mban përgjegjës Aleksander Vulin për aktet e tij korruptive dhe destabilizuese që kanë lehtësuar gjithashtu aktivitetet keqdashëse të Rusisë në rajon”.