Presidentja e Kosovës, Vjosa Osmani, ka pritur të mërkurën në takim ambasadorin e Shteteve të Bashkuara të Amerikës (ShBA) në Kosovë, Jeffrey Hovenier.
Siç raporton Telegrafi, në takimin e rregullt javor që po mbahet sot diskutohen zhvillimet e fundit në vend, ato politike, të sigurisë etj.
Ndryshe, sot, Komisioni disiplinor ka marrë vendim që ta largojë nga shërbimi civil Nexhat Krasniqin, i cili është përfshirë në listën e zezë të Departamentit amerikan të Shtetit me dyshimet për korrupsion.
Kjo, pasi para tri javësh ShBA-ja mori vendim për sanksione ndaj Nexhat Krasniqit, ish-drejtorit të Departamentit të Prokurimit në Ministrinë e Tregtisë dhe Industrisë së Kosovës, për shkak të përfshirjes së tij në korrupsion.