Ish-presidenti i Kosovës, Behgjet Pacolli, njëherësh kryetar i Aleancës Kosova e Re, ka thënë se kryeministri i Shqipërisë, Edi Rama, ka luajtur rol të rëndësishëm në lirimin e tre policëve të Kosovës të kidnapuar nga forcat serbe më 14 qershor.
Në një postim në Twitter, Pacolli merita i ka atirubuar edhe Richard Grenell, ish-bashkëpunëtorit të ngushtë të ish-presidentit amerikan Donald Trump.
“Një e vërtetë e panjohur në lirimin e Policisë së Kosovës nga paraburgimi i Serbisë është roli i kryeministrit shqiptar Edi Rama në harmoni të plotë me Richard Grenell, ish-bashkëpunëtor i ngushtë i Presidentit Trump. Kjo ishte edhe arsyeja e vizitës së tij në rajon. Kjo meriton një falënderim të madh dhe për të gjithë ata që kontribuan në këtë rast”, shkroi Pacolli.
An unknown truth in the release of the Kosovo Police from Serbia’s Detention is the role of Albanian Prime Minister Edi Rama in full harmony with Richard Grenell, the former close associate of President Trump. This was also the reason for his visit to the region. This deserves a…
— Behgjet Pacolli (@pacollibehgjet) June 26, 2023
Tre policët – Beqir Sefa, Shemë Mustafa dhe Rifat Zeka – ishin të ngarkuar me veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse, e cila bart dënim me burg deri në 12 vjet.
Atyre iu shqiptua masa e paraburgimit më 16 qershor, por nuk ishte e qartë kohëzgjatja e saj.
Arrestimi i tre policëve nxiti reagime të shumta si në Kosovë, ashtu edhe te bashkësia ndërkombëtare, e cila kërkoi vazhdimisht lirimin e tyre.