Papa Françesku do të vendosë kardinalin e parë të rajonit të Amazonës në Brazil këtë muaj në shenjë të shqetësimit të tij për pyllin e shiut dhe banorët e tij indigjenë, tha njeriu që ai zgjodhi për këtë rol.
Dëshira e Papës për ta afruar Amazonën me kishën e bëri që ta emëronte një kardinal të Amazonës.
Dom Leonardo Steiner, kryepeshkop i qytetit brazilian të Manaus do të jetë mes 21 kardinalëve të rinj që Papa Françesku do të emërojë më 27 gusht në një ceremoni të njohur si konsistori.
Prerjet e paligjshme dhe minierat në Amazonë janë rritur në kohën e presidentit të ekstremit të djathtë të Brazilit, Jair Bolsonaro.
Steiner kishte thënë se komunitetet indigjene ankohen se misionarët ungjillorë shpesh minojnë ritualet tradicionale, këngët dhe madje edhe gjuhët e tyre.
“Kjo shpesh rezulton në çrrënjosjen e kulturës së popujve indigjenë dhe mënyrën e tyre të ndryshme të shikimit të botës,” kishte thënë Steiner, raporton REUTERS.
Françesku mbajti një sinod, një seancë konsultimi dhe dialogu, në Amazon në vitin 2019. Në qershor, ai u takua në Vatikan me peshkopët e shteteve të Amazonës së Brazilit së bashku me priftërinj, murgesha dhe laikë nga rajoni.
Papa i inkurajoi ata të angazhohen me komunitetet lokale, ka thënë Steiner duke përfshirë banorët origjinalë të pyllit dhe fiset që kanë pasur pak kontakt me pjesën tjetër të Brazilit.