Presidenti i Serbisë, Aleksandar Vuçiq, ka thënë të premten se largimi i Serbisë nga Këshilli i Evropës (KiE) është një nga mundësitë në rast se Kosova pranohet në atë organizatë ndërkombëtare.
“Ju shkoni me këtë dhe pastaj do të shohim nëse Serbia do të qëndrojë në Këshillin e Evropës apo jo”, tha Vuçiq për TV Prva, pasi KiE konfirmoi se kandidatura e Kosovës do të jetë në agjendë në fund të marsit.
Në lidhje me këtë ka reaguar raportuesja për Kosovën në Parlamentin Evropian, Viola von Cramon e cila është përgjigjur në pyetjen e gazetarit gjerman, Michael Martens nëse deklarata e Vuçiqit nga Perëndimi do të merret e mirëqenë apo do të konsiderohet blof.
“Sigurisht se është një blof. Sigurisht se Serbia nuk do të largohet. Deklarata nuk duhet t’i bëjë përshtypje askujt. Anëtarët e Këshillit të Evropës do të vendosin vetë se kush do të pranohet”, ka shkruar Von Cramon në X.
Natürlich ein Bluff. Natürlich wird Serbien nicht austreten.
Das Gerede sollte niemanden beeindrucken.Die Mitglieder des Europarats werden selbst entscheiden, wen sie aufnehmen. Ich wüsste nicht, was gegen die Mitgliedschaft von Kosovo 🇽🇰 sprechen sollte. https://t.co/5zv2vhrEln
— Viola von Cramon 🇺🇦🇪🇺🇮🇱 (@ViolavonCramon) March 23, 2024