Presidentja e Kosovës, Vjosa Osmani ka mirëpritur paralajmërimin për ardhjen e disa ushtarëve amerikanë në Kosovë.
“Populli i Kosovës ju mirëpret me zemër të hapur! Ne jemi mirënjohës për shërbimin dhe mbështetjen e çdo amerikani që shërben në vendin tonë dhe përkrah nesh”, ka shkruar Osmani në rrjetin social “X”.
Kjo pasi mbi 100 ushtarë nga Garda kombëtare e Idaho-s pritet të vendosen në Kosovë, pas ushtrimeve që do të kenë paraprakisht në Texas.
The people of Kosovo welcome you with open hearts! 🇽🇰❤️🇺🇸
We are thankful for the service and support of every American who serves in our country and alongside us. https://t.co/AokqSI9GjR
— Vjosa Osmani (@VjosaOsmaniPRKS) September 7, 2024
Në një postim në X nga Misioni i SHBA-së në NATO thuhet se anëtarët e Gardës Kombëtare të Ushtrisë së Idahos po vendosen jashtë shtetit në mbështetje të misionit paqeruajtës të NATO-s në Kosovë.
Tutje thuhet se siguria dhe stabiliteti i Kosovës dhe i Ballkanit Perëndimor janë të një rëndësie strategjike për NATO-n.
“Këta shtetas-ushtarë do të trajnohen në Teksas, përpara se t’i bashkohen Operacionit Joint Guardian për një vit. Siguria dhe stabiliteti i Kosovës dhe i Ballkanit Perëndimor janë të një rëndësie strategjike për Aleancën”, thuhet në postimin e tyre në “X”.