Policia e Kosovës ka bërë të ditur se të premten në veri të vendit ka parandaluar një rast të kontrabandimit me mallra në fshatin Joshanicë të komunës së Leposaviqit, afër vijës kufitare me Serbinë.
Siç bëhet e ditur në njoftim, është ndaluar një furgon i dyshuar me targa të Serbisë dhe në të janë gjetur të ngarkuara 62 copë thasë të mbushura me kafe, në sasi rreth 3600 kilogram, kjo sasi e mallit/kafes dyshohet të jenë kontrabanduar nga territori i Serbisë në Republikën e Kosovës, njofton Dukagjini.
“Lidhur me rastin, me autorizim të Prokurorit të Shtetit, është intervistuar një person i dyshuar i cili pas intervistimit është liruar, ndërsa automjeti dhe malli janë dërguar në terminalin doganor përkatës për trajtim të mëtutjeshëm nga njësitë e Policisë së Kosovës dhe Dogana e Kosovës”, thuhet në njoftim.