Policia e Kosovës ka njoftuar se njësitet e Task-Forcës operative të Drejtorisë Rajonale të Policisë Kufitare Lindje kanë ndërmarrë masa të nevojshme operativo-taktike në rrugët e brezit kufitar dhe rrugët dytësore të fshatrave të Vitisë dhe si rezultat i kësaj është parandaluar një rast i kontrabandës me mallra.
“Dje, më 7 nëntor 2022, rreth orës 19:50, në fshatin Kabash në drejtim të fshatit Smirë është vërejtur duke qarkulluar një automjet transportues pa drita dhe pa targa, me të cilin dyshohej se po kryhej kontrabandë me mallra”, thuhet në komunikatën për media
Tutje, Policia e Kosovës ka njoftuar se policia ka ndaluar automjetin të cilin e drejtonte i dyshuari, recidivist i veprave të kontrabandës me mallra.
“Ai është arrestuar dhe është shoqëruar për intervistim në Stacionin Policor për Mbikëqyrjen e Kufirit në Zhegër”, thuhet tutje në komunikatën për media.
“Gjatë kontrollit në automjet janë gjetur këta artikuj: 40 thasë me kikirikë të papërpunuar rreth 500 kg, 15 pako me rripa të brezit, 10 pako çanta të kraharorit, 3 pako me altoparlantë –bluetooth, 1 pako me mbajtëse të telefonave në veturë, 2 pako me aroma të ndryshme (shisha) dhe mallra të tjera që dyshohet të jenë kontrabanduar nga territori i Republikës së Maqedonisë së Veriut”.
Mes të tjerash, thuhet se rasti është trajtuar nga njësitë përkatëse policore nga Drejtoria Rajonale e Policisë Kufitare Lindje.