E diela do të karakterizohet nga mot kryesisht i qëndrueshëm, me diell dhe vranësira të pjesshme gjatë ditës.
Temperaturat minimale të ditës së diel pritet të jenë mes 12 dhe 15 gradë Celsius, ndërsa ato maksimale do të lëvizin nga 26 deri në 30 gradë Celsius.
“Edhe dita e diel do të vijojë në të njëjtat kushte, me diell në shumicën e zonave. Në orët e pasdites mund të shfaqen kalime të lehta vranësirash, kryesisht përgjatë relievit malor, por pa reshje të pritshme. Era do të fryjë e lehtë deri mesatare nga drejtimi i jugperëndimit, ndërsa temperaturat do të mbeten në vlera tipike të stinës, ka njoftuar Instituti Hidrometeorologjik i Kosovës.