Paris Saint-Germain ka siguruar finalen e Ligës së Kampionëve, duke eliminuar Arsenalin në gjysmëfinale.
Kampioni francez fitoi edhe ndeshjen e kthimit, të mërkurën mbrëma në “Parkun e Princave”, me rezultat 2:1.
Pas fitores 1:0 në Londër javën e kaluar, PSG-ja e Christophe Galtier triumfoi me rezultat të përgjithshëm 3:1 dhe u kualifikua për finalen e madhe që do të luhet më 31 maj në Mynih kundër Interit.
Fabian Ruiz kaloi PSG-në në epërsi në minutën e 27-të, rezultat me të cilin përfundoi pjesa e parë, pavarësisht disa rasteve të mira të Arsenalit.
Në pjesën e dytë, portieri Gianluigi Donnarumma ishte vendimtar me disa pritje, përfshirë një ndërhyrje para se Vitinha të humbiste një penallti në minutën e 69-të – një 11-metërsh që u akordua pas rishikimit të VAR-it për lojë me dorë.
Vetëm tre minuta më pas, Achraf Hakimi shënoi një gol të bukur për 2:0, duke i çuar vendasit drejt fitores. Bukayo Saka ngushtoi rezultatin në minutën e 76-të dhe pati edhe një mundësi të mirë për të barazuar, por nuk arriti të shënojë.
Kjo është hera e dytë që PSG arrin finalen e Championsit, pas asaj të vitit 2020, kur humbi 1:0 nga Bayern Munchen.