Pas vizitës në Kosovë, Peach viziton Serbinë

Emisari britanik, Stuart Peach, pas vizitës 12 ditore në Kosovë, do ta fillojë vizitën e tij në Beograd

Emisari i Britanisë së Madhe për Ballkanin Perëndimor, Sir Stuart Peach

I dërguari i posaçëm i Mbretërisë së Bashkuar për Ballkanin Perëndimor, Lord Stuart Peach, pas vizitës në Kosovë, të martën e 17 janarit do ta fillojë vizitën në Serbi.

Emisari Peach do të ketë takime të ndara, njëherë me presidentin e Serbisë, Aleksandër Vuçiq, pastaj me kryeministren Ana Brnabiq dhe me ministrin e Punëve të Jashtme, Ivica Daçiq, shkruan Danas.

Pritet që tema e diskutimit të jetë situata në Ballkanin Perëndimor, me theks në procesin e normalizimit të marrëdhënieve Kosovë-Serbi, si dhe bashkëpunimin dypalësh.

Kjo vizitë e tij në Beograd vjen pas vizitës 12 ditore të tij në Kosovë, ku me kryeministrin Albin Kurti dhe presidenten Vjosa Osmani, ka diskutuar për sfidat në Ballkanin Perëndimor dhe për ndikimin e Rusisë.

Ndërkaq, i dërguari i posaçëm i BE-së për dialog, Miroslav Lajçak, i shoqëruar nga emisari amerikan për Ballkanin Perëndimor, Gabriel Escobar, pritet që më 20 janar ta vizitojë Kosovën, e më pas edhe Serbinë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika