Kryeministri i Shqipërisë, Edi Rama, kishte propozuar që të krijohet “Pasaporta e Artë”, e cila do të shërbente për shtetasit huaj, të cilët dëshironin të investonin në Shqipëri. Por, kjo ka pasaportë ngjallur reagime në Bashkimin Evropian(BE).
Sipas BE-së, “Pasaporta e Artë” e propozuar nga kryeministri Rama, paraqet rrezik për BE-në.
Por, cilat janë rreziqet dhe përfitimet nga “pasaporta e artë”?
Kjo pasaportë, ka të bëjë me rreziqet, të cilat sipas BE-së, kanë të bëjnë me sigurinë dhe me ekonominë, andaj këto janë arsyet e BE-së se pse duhet të ndalohet një pasaportë e tillë.
Nga ana tjetër, kjo nismë e kryeministrit Rama ende nuk është finalizuar.
“Sigurisht, ka rreziqe, por ne nuk mund t’ia mohojmë vendit tonë dhe së ardhmes sonë potencialin e jashtëzakonshëm të këtij programi”, kishte deklaruar kryeministri i Shqipërisë, Edi Rama, në vitin 2019.
Nga opozita shqiptare kishte vazhdimisht reagime kundër, ndërsa çështja mori vëmendje më të madhe këtë muaj, kur ambasadorja e delegacionit të Bashkimit Evropian në Tiranë, Christiane Hohmann, i dorëzoi zëvendëskryeministres së Shqipërisë, Belinda Balluku, Raportin e Progresit për vitin 2022, duke shprehur qartazi qëndrimin kundër “pasaportës së artë shqiptare”.
“Në lidhje me ‘pasaportat gold’ [të arta], mendoj se raporti është i qartë. Sigurisht që BE-ja e respekton sovranitetin e cilitdo shtet, për të vendosur për skemat e nënshtetësisë, por duke pasur parasysh realitetin dhe agresionin rus në Ukrainë, kjo skemë do të vinte në pah disa rreziqe”, kishte thënë Hohmann.
Në Raportin e Progresit për Shqipërinë, të përpiluar nga Komisioni Evropian, është thënë “Skema të tilla paraqesin rreziqe në lidhje me sigurinë, pastrimin e parave, evazionin fiskal, financimin e terrorizmit dhe infiltrimin nga krimi i organizuar dhe janë të papajtueshme me legjislacionin e BE-së. Si vend kandidat [për anëtarësim në BE], Shqipëria duhet të përmbahet nga zhvillimi i një skeme të tillë”, raporton REL, transemton Portali Dukagjini.