Paundi britanik ka rënë në nivelin më të ulët pas 37 vjetëve kundrejt dollarit amerikan, ndërsa Mbretëria e Bashkuar është duke u përballur me shumë probleme ekonomike.
Disa nga faktorët që ndikuan në rënien e paundit britanik janë recesioni i afërt, kriza energjetike dhe inflacioni më i lartë në mesin e vendeve të G7.
Kjo rënie dërgoi monedhën në nivelin më të ulët ndaj dollarit amerikan që nga viti 1985, kur kryeministre e Mbretërisë së Bashkuar ishte Margaret Thatcher.
Kryeministrja e re e Mbretërisë së Bashkuar, Liz Truss, thuhet se është duke konsideruar një angazhim prej 172 miliardë dollarë, në mënyrë që t’i kufizojë çmimet në rritje të energjisë që kërcënojnë ta shtyjnë popullsinë britanike në varfëri këtë dimër, raporton CNN.
Gjatë periudhës së pandemisë COVID-19, Mbretëria e Bashkuar ka marrë shumë hua, por investitorët së shpejti mund t’i japin më shumë hua vendit më shumë para nëse ai bie në një të ashtuquajtur cikël stagflacioni. Gjatë stagflacionit, ekonomia tkurret dhe çmimet vazhdojnë të rriten.
Të mërkurën e shtatë shtatorit, kryeministrja e re ka përjashtuar mundësinë e zgjatjes së taksës prej pesë miliardë paund ose gjashtë miliardë dollarë. Truss ka shtuar se është kundër një takse të papritur. “Unë besoj se është gjë e gabuar të shtyhen kompanitë të mos investojnë në Mbretërinë e Bashkuar, pikërisht, kur ne kemi nevojë për të rritur ekonominë,” shtoi ajo.