PDK-ja kërkon nga Qeveria shkarkimin e Bordit të KEK-ut dhe kryeshefit Nagip Krasniqi

Deputeti i PDK-së, Abelard Tahiri, ka kërkuar nga Qeveria dhe kryeministri Albin Kurti, shkarkimin e Bordit të Korporatës Energjetike të Kosovës dhe kryeshefit ekzekutiv Nagip Krasniqi, i cili është arrestuar të mërkurën

Shefi i Grupit Parlamentar të PDK-së, Abelard Tahiri

Shefi i Grupit Parlamentar i Partisë Demokratike të Kosovës, Abelard Tahiri, ka kërkuar nga Qeveria dhe kryeministri Albin Kurti, shkarkimin e Bordit të Korporatës Energjetike të Kosovës dhe kryeshefit ekzekutiv Nagip Krasniqi, i cili është arrestuar të mërkurën.

Sipas Tahirit, Krasniqi po mbahet në detyrë edhe nga kryeministri Kurti, por edhe nga ambasadori i Kosovës në Kroaci, Martin Berishaj.

“Ekziston një siklet i madh te ju dhe te komplet grupi parlamentar. Po ta rikujtoj që gjënë e parë që do të duhej të bëni sot si kryeministër, ta mblidhni urgjentisht Qeverinë, ta shkarkoni Bordin e KEK-ut, dhe ta shkarkoni kryeshefin ekzekutiv të KEK-ut, që tashmë gjendet në burg, i cili po mbahet në burg dhe po mbahet në detyrë nga pozicioni juaj, sepse e mban në detyrë edhe Martin Berishaj, edhe Kurti”, ka thënë ai.

“Prandaj sot më e pakta që ju t’i hapni rrugë këtyre hetimeve është shkarkimi i tërë bordit, të cilët edhe ashtu janë njerëz të cilët janë të dërguarit e juaj që më herët i kanë shërbyer prokurorëve specialë e tash ju shërbejnë juve”.

Tahiri ka theksuar se kjo nuk i bën nder, as pozitës, e as Kosovës.

“Po ju bëj thirrje që ta shkarkoni Bordin e KEK-ut dhe kryeshefin që po mbahet në burg. Kjo nuk po ju bën nder, as juve, as Kosovës. Ky mllefi juaj sot kalon, por dëmi që po i bëhet vendit edhe brenda, por edhe jashtë, është jashtëzakonisht madh”.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika