Rrezarta Krasniqi, ish-deputete dhe tash kandidate e Lidhjes Demokratike të Kosovës (LDK) për deputete në zgjedhjet e parakohshme që do të mbahen më 28 dhjetor, në emisionin Debat Plus ka folur për pritjet e saj dhe të LDK-së në këto zgjedhje.
Ajo ka thënë se në terren, aty ku LDK po mban tubimet e saj, mbretëron një atmosferë ndryshe krahasuar me herën e kaluar.
“Nuk dua me thanë që ka ndryshu shumë, sepse kemi pasur tetë muaj. Populli e ka pa se çfarë bllokada kemi tash e tetë muaj dhe gjithçka është më ndryshe, atmosferë më pozitive, krejt janë për një qeverisje tjetër, jo çka ka ndodh prej vitit 2021 deri më 2025”, ka deklaruar ajo.
“Kemi pasur regres në shumë fusha dhe qytetarët tashmë e kanë marrë një rrugë tjetër, një rrugë kundër bllokadës, kundër regresit, për me votu LDK-në”, ka thënë Krasniqi.