Kryetari i Partisë Demokratike të Kosovës, Memli Krasniqi, ka udhëtuar për në Hagë, ndërsa, Krasniqi para disa orësh ishte në sheshet e Prishtinës duke marshuar në mbështetje të ish-krerëve të UÇK-së.
Kjo u bë e ditur vetë nga Krasniqi nëpërmjet një postimi në llogarinë e tij në Facebook.
“Nga Marshi për Drejtësi, rrugës për në Hagë, për të qenë pranë çlirimtarëve tanë”, ka shkruar Krasniqi në Facebook.
Ndërkaq, Hashim Thaçi, Kadri Veseli, Jakup Krasniqi dhe Rexhep Selimi do të dalin më 3 prill (nesër) në gjyq për krime të dyshuara lufte dhe krime të dyshuara kundër njerëzimit.