Hulumtimet thonë se era e limonit stimulon sekretimin e serotoninës në organizmin tonë që ndryshe quhet “hormoni i lumturisë”. Ky hormon është përgjegjës për humorin e mirë.
Prisni limonin në katër pjesë, fetat i vendosni në një pjatë dhe i shtoni pak kripë. Mund të vendosen në çdo pjesë të shtëpisë ku dëshironi të krijoni bazë aromatike.
Për freskim të hapësirës së jetesës, prisni limonin në feta dhe vendosini në një kavanoz me ujë, në mënyrë që të keni dhe pamjen e limonit.
Mbetjet e mbetura pas shtrydhjes së limonit mund t’i vendosni në frigorifer për neutralizim të aromave të pakëndshme.
Limoni shërben edhe për pastrimin dhe dezinfektimin e shtëpisë dhe preferohet që, periodikisht, dërrasat e drurit për prerjen e ushqimit të fërkohen me limon dhe kripë.