E marta e “Super Trend-it” kësaj jave solli dy mysafirë mjaft të veçantë.
“Bulza me djemtë“, ky është emri i një bendi muzikor ku bëjnë pjesë 4 artistë, Bulza Havolli, Elvis Mulaj, Yzeir Meha dhe Qëndrim Lluka.
Bulza e Elvisi ishtin të ftuar sonte në kuadër të emisionit “Super Trend” me Drilonën dhe Mirdonin, në Radio Dukagjini, ku Bulza me një zë tejet të veçantë, e Elvisi me tingujt e bukur të kitarës disponuan studion e Radio Dukagjinit me muzikë live.
Bulza e cila është e diplomuar në katedren e operës në Universitetin e Arteve deklaroi se si grup janë së bashku tash e 3 vjet, duke marrë pjesë në festivale të ndryshme, e duke përformuar rregullisht në vende të ndryshme.
Havolli tutje theksoi se secili pjesëtar i grupit sjell diçka unike në bend, dhe se kanë një marrëdhënie të shkëlqyeshme mes vete.