Policia e Kosovës ka njoftuar se një objekt banesor në Prishtinë është përfshirë nga zjarri.
Nuk është raportuar për ndonjë person të lënduar.
Këtë e ka konfirmuar për Portalin Dukagjini, zëdhënësja e Policisë për rajonin e Prishtinës, Flora Ahmeti.
Ajo ka thënë se rasti ka ndodhur rreth orës 09:45 në rrugën “Ukshin Hoti”, teksa në vendin e ngjarjes kanë dalë ekipet e zjarrfikësve.
“Sot rreth orës 09:45, kemi pranuar informatën për një incident zjarri në rrugën ‘Ukshin Hoti’ në Prishtinë, ku nga zjarri është përfshirë një objekt. Në vendngjarje kanë dalë zjarrfikësit dhe policia të cilët po merren me rastin. Nuk është raportuar për ndonjë person të lënduar”, ka thënë Ahmeti.