Të premten e 15 dhjetorit ka përfunduar afati për konvertimin e targave ilegale të Serbisë në ato RKS.
Qeveria e Kosovës më 30 nëntor kishte marrë vendim për zgjatjen e afatit të konvertimit të tyre, deri më sot.
“Qeveria e Republikës së Kosovës ka ndryshuar dhe plotësuar Vendimin e Qeverisë Nr.01/170 të datës 30 tetor 2023 , duke zgjatur kështu afatin për regjistrimin me benefite financiare për pronarët e automjeteve me denominimet “PR”, “KM”, “PZ”, “GL”, “UR”, “PE”, “DA” apo “ĐA” deri me 15 dhjetor 2023”, thuhej në vendimin e qeverisë.
Zëvendësdrejtori i Policisë për rajonin e veriut, Veton Elshani, ka njoftuar për media se deri tani janë 3 mijë e 300 vetura, që i kanë konvertuar targat ilegale në ato RKS.