Ka përfunduar samiti i 11-të i Brdo-Brijunit, i cili u mbajt në Slloveni në nivel të liderëve, ku u diskutua në lidhje me situatën e Ballkanit Perëndimor.
Presidenti i vendit nikoqir, Borut Pahor, ka shkruar në Twitter se në takimin e mbajtur janë miratuar gjashtë konkluzione.
Konkluzioni i pestë i miratuar, i bën thirrje BE-së t’u dalë në ndihmë vendeve të Ballkanit Perëndimor, në zbutjen e pasojave të krizës ekonomike si dhe të asaj me energji.
Po ashtu, një nga pikat e miratura i bën thirrje BE-së që t’i heqë vizat për të gjitha vendet e Ballkanit Perëndimor, deri në fund të vitit 2022.
Konkluzionet e miratuara janë:
“1. Ritheksojmë rëndësinë e zgjerimit të BE-së si kontributi më i drejtpërdrejtë për ruajtjen e paqes dhe stabilitetit në rajon, zgjerimi është më shumë se kurrë gjeopolitikë. një pyetje. 2. Ne bëjmë thirrje për një proces më të shpejtë të integrimit në BE, në përputhje me kushtet e njohura për anëtarësim. 3. Ne bëjmë thirrje për dhënien e statusit kandidat Bosnje dhe Hercegovinës deri në fund të vitit 2022. 4. Ne bëjmë thirrje për një regjim pa viza për të gjithë Ballkanin Perëndimor deri në fund të vitit 2022 5. I bëjmë thirrje BE-së të qëndrojë në krah të Ballkanit Perëndimor në zbutjen e pasojave të krizës ekonomike dhe energjetike. 6. Ne afirmojmë përkushtimin tonë për dialogun si e vetmja mënyrë për të kapërcyer dallimet dhe për të hapur çështjet në rajon”, ka shkruar në Twitter, Pahor.
“I pyetur se nga gazetarët në konferencën për media pas përfundimit të samitit, se a është diskutuar për dialogun Kosovë-Serbi, dhe se a i është kërkuar Serbisë të njohë Kosovën, Pahor tha se dialogu ka qenë temë diskutimi, por askujt nuk i është kërkuar të bëjë diçka”, raporton Telegrafi.
Në takimin 11-të në procesin Brdo-Brijunit, që po mbahet në nivel presidentësh, është duke marrë pjesë edhe presidentja e Kosovës, Vjosa Osmani.