Selektori i Gjermanisë, Hans-Dieter Flick është përzgjedhësi më i paguar nga 32 trajnerët e ekipeve të cilat do të marrin pjesë në Kampionatin Botëror në Katar.
Lajmin e ka publikuar sajti i specializuar “Finance Football” i cili merret me aspektet ekonomike dhe financiare të futbollit.
Flick ka pagë vjetore prej 6.5 milion euro.
Pas tij, radhitet selektori i Anglisë, Gareth Southagate i cili për një vit inkason 5.8 milionë euro derisa në vendin e tretë në këtë renditje gjindet francezi, Didier Deschamps me përfitim vjetor prej 3.8 milion euro.
Është interesant ,selektori i Spanjës, i famshmi Luis Enrique me 1.15 milionë euro në vit rradhitet në pozitën e 13.
Kohë më parë ish-trajneri i Barcelonës kishte pranuar ulje të pagës prej 25 %.
Selektori me pagën më të vogël nga të gjitha ekipet pjesëmarrëse në Katar 2022 është përzgjedhësi i Tunisit, Jalel Kadri i cili për një vit përfiton “vetëm” 130 mijë euro.