Pesë persona kanë humbur jetën dhe një tjetër është lënduar rëndë, pasi një varkë që transportonte emigrantë u përplas me një anije të rojës bregdetare turke në veriperëndim të vendit.
Ngjarja ka ndodhur pranë bregut të Badavut-it, në distriktin Ayvalık, ku një varkë me shpejtësi të lartë që transportonte 34 migrantë dhe një trafikant njerëzish është përplasur me anijen e rojës bregdetare, bëri të ditur zyra e guvernatorit lokal.
“Si rezultat i operacioneve të kërkimit dhe shpëtimit në rajon, u konstatua se pesë persona që ranë në det humbën jetën. Një grua u plagos rëndë dhe u dërgua në spital”, thuhet në njoftim, duke shtuar se vijon kërkimi për një person tjetër të zhdukur.
Deti Egje mbetet një nga rrugët më të përdorura nga emigrantët që tentojnë të kalojnë nga Afrika e Veriut dhe Lindja e Mesme drejt Evropës.