Kryenegociatori serb, Petar Petkoviq ka reaguar për lirimin e serbit, Urosh Vukashinoviq.
Me anë të një postimi në Twitter, ai thotë se Vukashinoviq mbetet serbi i katërt i liruar nga ta dhe se një “kauzë” e tillë e tyre, vazhdon ende.
“Dhe Urosh Vukashinoviq, serb i arrestuar në Leposaviq më 17 qershor nga policia e Kurtit, sot është liruar! Ai sapo ishte bashkuar me familjen e tij. Uroshi është serbi i katërt që e liruam dhe vazhdojmë luftën për të gjithë bashkatdhetarët tanë të arrestuar pafajësisht!”, ka shkruar Petkoviq.
И Урош Вукашиновић, Србин ухапшен у Лепосавићу 17. јуна од стране Kуртијеве полиције, данас је пуштен на слободу!
Управо се придружио својој породици која га је жељно ишчекивала. Урош је четврти Србин ког смо ослободили, а настављамо борбу за све наше невино ухапшене сународнике! pic.twitter.com/Agc0mmHFTm— Петар Петковић (@PetkovicPetar) July 19, 2023
Urosh Vukashinoviç, i arrestuar më 19 qershor në Leposaviq nën dyshimet se ka sulmuar gazetarët, do të lirohet nga paraburgimi me kusht këtë të mërkurë.
Lajmin e ka bërë të ditur avokati i tij ligjor, Nebojsha Vlajiç, i cili ka thënë se janë duke shqyrtuar dokumentet dhe ai do të lirohet gjatë ditës.
“Aktualisht jemi duke i zgjidhur dokumentet lidhur me këtë dhe ai do të lirohet gjatë ditës”, tha ai për Kossev.
Vukashinoviqi është i katërti nga tetë të arrestuarit e deritanishëm që lirohet me kusht.
Ndryshe, situatat e tensionuara kanë qenë evidente qysh nga fundi i majit të këtij viti, me zgjedhjen e kryetarëve të rinj. Zgjedhja e tyre u kundërshtua dukshëm nga banorët serbë, të cilët mbajtën protesta në vazhdimësi.
Nga këto protesta, gazetarët u sulmuan fizikisht nga ana e protestueseve. Njëherit, atyre iu dëmtuan pajisjet dhe veturat.
Të lënduar pati edhe ushtarë të KFOR-it.