KSHZ-ja ka publikuar informacionin e fundit për daljen në zgjedhjet e dyfishta deri në orën 11:00.
Për zgjedhjet presidenciale, pjesëmarrja është 12.87%. Pjesëmarrja më e madhe është në Probishtip, 27,85, ndërsa më e ulëta në Likovë, 1,76%.
Në zgjedhjet presidenciale u shënua një pjesëmarrje pak më e lartë, në ndryshim nga raundi i parë.
Për zgjedhjet parlamentare pjesëmarrja është 13.69%. Pjesëmarrja më e madhe është në Krivogastan, 28,38%, ndërsa më e ulët është në Vrapçisht, 5,2%.
“Mund të vërehet se në Maqedoninë lindore dhe qendrore më shumë votues kanë votuar në zgjedhjet presidenciale, ndërsa në pjesën perëndimore pjesëmarrja ka qenë më e ulët”, tha Aleksandar Dashtevski, kryetar i KSHZ-së./tv21.mk