Këtë të diel ka pësuar infarkt një pjesëtar i KFOR-it në Brezovicë, në zonën e quajtur “Qafa e Luanit”.
Rastin për Portalin Dukagjini e ka konfirmuar zëdhënësi i policisë për rajonin e Ferizajt, Kanun Veseli.
Veseli ka njoftuar se viktimës i është dhënë ndihma e parë dhe aktualisht është në përkujdesje mjekësore.
“Sot, rreth orës 15:20 Policia e stacionit në Shtërpcë ka pranuar një informacion se një pjesëtar i KFOR-it, në Qendrën e Skijimit në Brezovicë, mbi hotelin “Molika”, është i shtrirë pa ndjenja. Ekipet e Emergjencës kanë arritur shpejt në vendin e ngjarjes dhe i kanë ofruar ndihmën e parë mjekësore dhe është nën përkujdesje mjekësore. Janë njoftuar edhe ekipet emergjente të KFOR-i të cilët pritet të dalin në vendin e ngjarjes. Për informata të tjera do të ju njoftojmë me kohë!”, ka thënë Kanun Veseli.