Pjetër Shala, përmes mbrojtjes së tij, më 24 prill 2023 ka dorëzuar dosjen paraprake në Dhomat e Specializuara të Kosovës në Hagë.
Kjo është bërë e ditur përmes njoftimit të publikuar në faqen zyrtare të Dhomave të Specializuara të Kosovës (DhSK), raporton “Betimi për Drejtësi”.
I njëjti version është publikuar në gjuhën angleze dhe mund ta gjeni: KËTU.
Ndërkaq, Zyra e Prokurorit të Specializuar më 17 prill 2023, kishte dorëzuar versionin e redaktuar publik të dosjes paraprake në çështjen Pjetër Shala, sipas urdhrit gojor të trupit gjykues të 28 marsit 2023.
Ndryshe, më 27 mars 2023 në Dhomat e Specializuara është paraqitur dëshmitari i parë i prokurorisë në gjykimin ndaj Pjetër Shalës, kurse tutje janë dëgjuar edhe tre dëshmitarë të tjerë.
Ndërkaq, Zyra e Prokurorit të Specializuar më 17 prill 2023, kishte dorëzuar versionin e redaktuar publik të dosjes paraprake në çështjen Pjetër Shala, sipas urdhrit gojor të trupit gjykues të 28 marsit 2023.
Ndryshe, më 27 mars 2023 në Dhomat e Specializuara është paraqitur dëshmitari i parë i prokurorisë në gjykimin ndaj Pjetër Shalës, kurse tutje janë dëgjuar edhe tre dëshmitarë të tjerë.
Gjykimi për të akuzuarin Shala do të vazhdojë më 1 maj 2023.
Ndryshe, Shala u arrestua më 16 mars 2021 nga autoritetet belge dhe u transferua në Hagë më 15 prill 2021, në bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.
Në aktakuzën e konfirmuar, Shala ngarkohet me përgjegjësi penale individuale në forma të ndryshme për krime lufte si ndalim arbitrar, trajtim mizor, torturë dhe vrasje të paligjshme, të kryera në kontekstin e konfliktit të armatosur në Kosovë dhe në lidhje me këtë konflikt.
“Krimet për të cilat akuzohet z. Shala u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej Ushtrisë Çlirimtare të Kosovës”, thuhet në komunikatë. /BetimipërDrejtësi