Kryeministri i Sllovakisë, Robert Fico, është plagosur në një incident me të shtëna pas një takimi të qeverisë në afërsi të Bratislavës, raporton televizioni sllovak TA3.
Incidenti ndodhi në qytetin Handlova, rreth 150 kilometra në verilindje të kryeqytetit.
I dyshuari është arrestuar, sipas TA3.
Nënkryetari i Parlamentit të Sllovakisë, Lubos Blaha, konfirmoi incidentin gjatë një seance parlamentare, të cilën e shtyu për datë të papërcaktuar, njoftoi agjencia sllovake e lajmeve, TASR.
Fico dyshohet se është plagosur në bark dhe gjoks, ai u dërgua menjëherë në spital, raportoi TASR.
Slovakia‘s PM Fico taken to hospital after being shot https://t.co/TYm0t15zQb pic.twitter.com/8FfOTK3G2N
— Russian Market (@runews) May 15, 2024
Gazetarët, të cilët ishin në vendin e ngjarjes, thanë se u dëgjuan disa të shtëna me armë.
Ata shtuan se zyrtarët e sigurisë e futën një person në një veturë dhe u larguan me shpejtësi.
I arrestuari besohet se është i dyshuari që shtiu mbi kryeministrin, megjithëse kjo nuk është konfirmuar nga policia lokale.