Një person është plagosur mbrëmjen e të dielës në Pejë, ndërsa i dyshuari është shoqëruar në stacion policor.
Sipas zëdhënësit të Policisë së Kosovës për rajonin e Pejës, Fadil Gashi, dyshimet e para tregojnë se plagosja ka ndodhur aksidentalisht.
I plagosuri ndodhet jashtë rrezikut për jetën.
“Pas orës 19:00 policia është njoftuar nga Spitali i Pejës se një person ka shkuar atje i lënduar nga arma e zjarrit. Ai dyshohet se është plagosur aksidentalisht nga një person. I plagosuri është jashtë rrezikut për jetë, ndërkaq i dyshuari është shoqëruar për në stacion policor, ku pritet të intervistohet”, ka deklaruar Gashi për Dukagjinin.