Institucionet e Kosovës janë të bindura se zgjedhjet e 23 prillit në komunat veriore do të mbahen.
Organi që vitin e kaluar e ndërroi datën e këtyre zgjedhjeve duke u shtyrë ato për këtë vit, Presidenca, ka edhe plan të dytë.
Blerim Vela, këshilltar i Presidentes ka folur për Telegrafin, megjithëse nuk ka dhënë shumë detaje se çka nënkupton një plan tjetër.
Blerim Vela – Këshilltar i Presidentes 15.54 -16.22
“ne kemi planin A por kemi edhe planin B, ne do të tentojmë që ta realizojmë planin A normalisht që zgjedhjet të mbahen në ato objekte ku janë mbajtur herët e kaluara ato do të mbahen por qytetarët do të lajmërohen paraprakisht pra ne nuk kemi vetëm një plan, kemi disa plane dhe do t’i realizojmë zgjedhjet”, ka thënë Vela.
Por, televizioni Dukagjini ka mësuar se institucionet e vendit janë duke shqyrtuar edhe lokacione tjera për mbajtjen e zgjedhjeve, nëse zyrtarët e shkollave nuk bashkëpunojnë.
Ky shqetësim, për moskomunikim me drejtorët e shkollave që janë serb në veri, u ngrit edhe në mbledhjen e djeshme të KQZ-së.
E për këtë temë në Beograd kanë udhëtuar ata që po i bojkotojnë zgjedhjet.
Lista Serbe takoi Presidentin e Serbisë, Aleksandër Vuçiq, e atje i pranishëm ishte edhe një person që vazhdon të jetë shumë i kërkuar nga organet e sigurisë në Kosovë, Milan Radojçiq.
“Ne do të vazhdojmë punën në javën e ardhshme, kështu që mund të dalim me një qëndrim të përbashkët rreth të gjitha ngjarjeve. Do të bisedojmë në Rashkë herën tjetër, derisa të kemi pajtim për një platformë të përbashkët”, ka thënë Vucic.
Por, njohësit e sigurisë kanë një shqetësim për këto zgjedhje.
“ai plani b mund të jetë shtyrje, nuk ka cka të jetë tjetër sido që të jetë më mirë është të jetë një zgjidhje politike sesa të vijmë tek tensionimi i situatës në një moment kur po presim një zgjidhje të gjithmbarshme të çështjeve shumë ma të rëndësishme sa sa prolongimi eventual i zgjedhjeve për një kohë të caktuar”, ka thënë Nuredin Ibishi.
Zgjedhjet e jashtëzakonshme në komunat veriore, mbahen më 23 prill.