Policia e Kosovës ka intensifikuar kontrollet në trafik në qytetet dhe fshatrat e rajonit të Prishtinës, përmes përdorimit të veturave inteligjente të pajisura me teknologji të avancuar për njohjen automatike të targave.
Në komunikatën zyrtare, Policia bën të ditur se qëllimi i këtyre kontrolleve është rritja e sigurisë në rrugë dhe parandalimi i aksidenteve, përmes identifikimit dhe ndëshkimit të shkeljeve të Kodit Rrugor.
Vëmendja kryesore po i kushtohet shoferëve që tejkalojnë shpejtësinë, përdorin telefonin gjatë vozitjes, nuk vendosin rripin e sigurisë, bëjnë tejkalime të rrezikshme apo vozisin automjete të paregjistruara.
Policia ka paralajmëruar se nuk do të ketë tolerim për shkelësit e rregullave në trafik dhe çdo rast do të trajtohet me seriozitet.
Qytetarët inkurajohen të raportojnë çdo shkelje përmes numrit 192 ose përmes aplikacionit “Lajmëro Policinë”.