Mbrëmjen e së enjtes, ishte përfshirë nga zjarri një vilë në Bogë të Pejës.
Lidhur me këtë, Policia e Kosovës ka thënë se raportimi kishte ardhur nga një kosovar, i cili kishte vërejtur tymin nga jashtë.
“Fsh. Bogë, Pejë 05.01.2023 – 20:50. Ankuesi mashkull kosovar ka raportuar se përderisa ka qenë brenda në vilën e viktimës mashkull kosovar, e ka ndezur kaminin dhe në ndërkohë ka vërejtur se jashtë është një tym. Ankuesi së bashku me personat që ishin brenda kanë dalë jashtë dhe kanë vërejtur se vila është përfshirë nga zjarri i cili dyshohet se është shkaktuar nga oxhaku”, thuhet në raportin 24-orësh të PK-së.
Krahas kësaj, bëhet e ditur se njësitë relevante policore dhe zjarrfikësit kanë dalë në vendin e ngjarjes, gjersa rasti po vazhdon të hetohet.