Për shkak të vizitës zyrtare të Kancelarit gjerman Olaf Scholz, të premten do të bllokohen disa segmente rrugore.
Kështu ka njoftuar Policia e Kosovës, se kjo do bëhet për shkak të ofrimit të sigurisë, mirëmbajtjes së rendit dhe qetësisë publike.
“Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme në intervale të shkurta kohore të qarkullimit të trafikut në disa segmenteve rrugore ku pritet të kalojë eskorta”, thuhet në njoftim të policisë.
“Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, vijon njoftimi.
Ndryshe, Kancelari gjerman, Olaf Scholz do ta vizitojë Kosovën të premten e 10 qershorit.
Bëhet e ditur se ai do ta takojë vetëm kryeministrin e Kosovës Albin Kurti.