Policia e Kosovës ka bërë të ditur se nata e Vitit të Ri ka kaluar me disa raportime për incidente që lidhen me pjesën e festimeve.
Siç thuhet në njoftimin e Policisë, në disa rajone të vendit janë raportuar incidente me lëndime trupore si pasojë e përdorimit të mjeteve piroteknike si dhe raste të lëndimeve të lehta nga armë zjarri.
“Bazuar në raportimet e pranuara nga Drejtoritë Rajonale Policore, nata e vitit të ri, ndërrimi i mot-moteve, ka kaluar me disa raportime për incidente që lidhen me pjesën e festimeve. Nga disa rajone të vendit janë raportuar incidente me lëndime trupore si pasojë e përdorimit të pa kujdesshëm të mjeteve piro-teknike, raste të lëndimeve të lehta nga armë zjarri dhe dëme materiale si pasojë e përdorimit të pakujdesshëm të mjeteve piroteknike (zjarre)”, thuhet në njoftim.
Tutje, Policia bën të ditur se ka iniciuar raste dhe do të vazhdojë t’i trajtojë të gjitha ato raste qofshin vepra penale apo incidente tjera dhe rastet në koordinim me prokurorit kompetente do të përcillen te organet e drejtësisë.