Policia e Kosovës ka njoftuar se një grua ka vdekur në Gjilan, pasi ka rënë në bunar.
Policia ka njoftuar se trupi i pajetë i viktimës është nxjerrë nga bunari dhe me vendim të prokurorit trupi i pajetë i viktimës është dërguar në IML për obduksion.
Ata kanë përfunduar duke treguar se rasti është nën hetime.
“Gjilan, 09.08.2023 – 14:30. Ankuesi mashkull kosovar ka njoftuar se gruaja e tij ka rënë në një bunar. Njësitë policore kanë bërë sigurimin e vendit të ngjarjes. Në lidhje me rastin janë njoftuar njësiti i Zjarrfikësve te cilët e kanë nxjerr trupin e pa jetë nga bunari. Me urdhër të prokurorit trupi i pa jetë i viktimës është dërguar në IML për obduksion. Rasti vazhdon të hetohet”, ka njoftuar policia.