Policia e Kosovës ka shpallur në kërkim Xhemajl Nuhiun, i dyshuar për vrasjen që ndodhi mbrëmjen e së hënës në Hajvali.
Sipas njoftimit, Njësiti i Hetimeve të Përgjithshme i Drejtorisë Rajonale në Prishtinë, me autorizim të Prokurorisë, kërkon ndihmën e qytetarëve për të siguruar informacione që mund të çojnë në lokalizimin dhe arrestimin e tij.
“Personi i dyshuar ndodhet në arrati, prandaj për çdo informatë që mund të ndihmojë në gjetjen e tij, na kontaktoni në: [email protected], përmes aplikacionit ‘Lajmëro Policinë’ ose në numrin 192”, thuhet në komunikatë.
Policia ka publikuar edhe dy fotografi të Nuhiut, duke u bërë thirrje qytetarëve që posedojnë informacione të kontaktojnë menjëherë autoritetet.