Kryetarët e partive opozitare po marrin pjesë në takimin e thirrur nga presidentja e Kosovës për konsultime rreth caktimit të datës së zgjedhjeve, ndërsa përfaqësuesit e Lëvizjes Vetëvendosje kanë konfirmuar se nuk do të marrin pjesë në këtë takim.
Në takimin po marrin pjesë kryetari i Partisë Demokratike të Kosovës, Bedri Hamza, kryetari i Lidhjes Demokratike të Kosovës, Lumir Abdixhiku, si dhe kreu i Aleancës për Ardhmërinë e Kosovës, Ramush Haradinaj.
“Po i përgjigjem ftesës se presidentes për takim konsultativ për caktimin e datës se zgjedhjeve. Do te shikoj cilat janë datat e propozuara”, ka thënë Hamza.