Presidentja e Kosovës u ka uruar festën islame të Kurban Bajramit, të gjithë qytetarëve të Kosovës.
“Festa e Kurban Bajramit sjelltë në familjet tuaja paqe, lumturi e begati!”, ka uruar ajo në Facebook.
Osmani ka bërë thirrje që kjo festë të shërbejë si moment reflektimi për tolerancë, mirëkuptim dhe solidaritet.
Me rastin e festës së Kurban Bajramit, ditën e parë, më 9 korrik 2022, Kryesia e BIK, organizon pritje përurimi në selinë e Kryesisë nga ora 9:00 deri në orën 12:00.
Kurban Bajrami përkujton kohën kur profeti Ibrahim pa një ëndërr për të cilën ai besonte se ishte një mesazh nga Allahu që i kërkonte të sakrifikonte djalin e tij Ismailin si një akt bindjeje ndaj Zotit.
Djalli e tundoi Ibrahimin duke i thënë se ai duhet ta kundërshtojë Allahun dhe ta kursejë djalin e tij. Ndërsa Ibrahimi sipas fesë islame, ishte gati ta vriste djalin dhe në atë moment Allahu e ndaloi dhe në vend të tij i dha një qengj për kurban.