Galeria Kombëtare e Kosovës ka vazhduar me prezantimin e një serie të posterave silkscreen dhe shkëputjet nga filmat që kryejnë funksionin e fotografive të çastit të historisë si pjesë e projektit “Palimpsestet e Historisë”.
Sipas njoftimit zyrtar, po ashtu mund të merrni nga një kopje të librave “Belbëzimet e Universalitetit” dhe “Limitet e Reprezentimit”.
“Belbëzimet e Universalitetit” i bën bashkë shkrimet polemike të Shkëlzen Maliqit mbi prodhimet e Kosovafilmit nga mesi i viteve tetëdhjetë, me parathënien kritike nga Tevfik Rada. Limitet e Reprezentimit është përkthimi i parë në anglisht i kritikës së Gani Bobit për manipulimet në media në lidhje me Kosovën në fund të viteve tetëdhjetë, së bashku me analizën e gjerë të Sezgin Boynikut për filmin eksperimental të Srđan Karanovićit “Një film Pa Titull”, realizuar në vitin 1988 ku flitet për marrëdhëniet mes shqiptarëve dhe serbëve”, thuhet në njoftimin zyrtar.